ԱՐՈՆՅԱՆՆ ԱՌԱՋԻՆ ՏԵՂՈՒՄ Է

Իսպանիայի Լինարես քաղաքում աշխարհի ութ ուժեղագույն գրոսմայստերների մասնակցությամբ ընթացող շախմատային գերմրցաշարում գերազանց է հանդես գալիս Լեւոն Արոնյանը:

Հայաստանի լավագույն շախմատիստը չորրորդ տուրում պարտության մատնեց կուբացի Լեյնյեր Դոմինգեսին եւ 3,0 միավորով շարունակում է գլխավորել մրցաշարային աղյուսակը: Ճիշտ է, նույնքան միավոր է վաստակել նաեւ ռուսաստանցի Ալեքսանդր Գրիշչուկը, սակայն նա լրացուցիչ գործակիցներով ետ է մնում մեր հայրենակցից: Երեկ Լինարեսում հանգստի օր էր: Այսօր կայանալիք հինգերորդ տուրից առաջ մրցաշարային աղյուսակն այսպիսի տեսք ունի:

1. Լեւոն Արոնյան (Հայաստան) 3,0 միավոր

2. Ալեքսանդր Գրիշչուկ (Ռուսաստան) 3,0

3. Վիշվանաթան Անանդ (Հնդկաստան) 2,5

4. Մագնուս Կարլսեն (Նորվեգիա) 2,0

5. Վասիլի Իվանչուկ (Ուկրաինա) 2,0

6. Լեյնյեր Դոմինգես (Կուբա) 1,5

7. Թեյմուր Ռաջաբով (Ադրբեջան) 1,0

8. Վան Յուե (Չինաստան) 1,0:

Այսօր Արոնյանը հանդիպում է մրցաշարային աղյուսակի ետնապահ Յուեի հետ: