Բելգիացիները որոշել են տնտեսական ճգնաժամի պայմաններում փող վաստակել պլաստիկ շշերը հանձնելու միջոցով: Այս մասին հայտնում է «Tert. am»-ը՝ հղում անելով արտասահմանյան լրատվամիջոցներին: Բելգիացիները հավաքած շշերը վաճառում են հարեւան Հոլանդիայում, որտեղ յուրաքանչյուր շշի համար սուպերմարկետներում տեղադրված հատուկ սարքերի միջոցով ստանում են 25 եվրոցենտ: Լրատվամիջոցի փոխանցմամբ, Հոլանդիայում մեկ պլաստիկ շշի արժեքը ներառված է խմելու ջրի գնի մեջ, որում այն շշալցված է: Իսկ Բելգիայում շշերն անվճար են եւ անվճար հանձնվում են վերամշակման:
