«Համբուրգ» ակումբի կիսապաշտպան Զե Ռոբերտոն հայտարարել է, որ ֆուտբոլային կարիերայի ավարտից հետո ինքը կդառնա հոգեւորական: «Ես իմ մեջ մարդկանց օգնելու կոչում եմ զգում: Այն ամենը, ինչ տեղի է ունեցել իմ կյանքում, պատահական չէ: Աստված ինձ հնարավորություն է տվել»,- հայտարարել է բրազիլացի 35-ամյա սպորտսմենը՝ գերմանական “Bunte” ամսագրի հարցազրույցում: Նա շաբաթական մեկ անգամ այցելում է եկեղեցի եւ կազմակերպել է Աստվածաշնչի ուսումնասիրման խմբակ: Մի քանի տարի է, ինչ Զե Ռոբերտոն յուրացնում է աստվածաբանություն: Ավելի վաղ հոգեւորական ձեռնադրվելու մտադրության մասին հայտնել էր բրազիլացի մեկ այլ ֆուտբոլիստ՝ «Ռեալի» կիսապաշտպան Կական: Նա նշել էր, որ «հեշտ չէ արդի հասարակությանը բացատրել բաներ, որոնք գրվել են հազարամյակներ առաջ: Սակայն լավ հոգեւոր հովվի խնդիրը հենց դա է՝ ժամանակակից դարձնել Աստվածաշնչի ուսմունքը»: