Նոյեմբերյանի քաղաքային՝ Հայ-հունական բարեկամության զբոսայգում ամեն առավոտ հացենու նոր տնկիներ էին հայտնվում: Այգու կանաչապատմամբ զբաղվողները արդեն հոգնել էին դրանք հանելուց: Տնկիները տնկվում էին ոչ մասնագիտորեն, օրինակ, մի դեպքում ծպտյալ «կանաչապատողը» հացենի էր տնկել արծաթափայլ եղեւնու տեղում՝ տեղափոխելով արժեքավոր եղեւնին: Ի վերջո, պարզվեց գիշերները տնկիներ շարող երիտասարդի ինքնությունը: Անունը չի հրապարակվում, բայց հայտնի է, որ բարձրագույն կրթությամբ այդ անձը զգուշացվել է, որ այլեւս զբոսայգում ինքնագլուխ ծառատուկ չկատարի, դրա համար ազատ շատ տարածքներ կան: Կա նաեւ ընթացակարգ:
