Մյունխենում ընթացող գնդակային հրաձգության աշխարհի 50-րդ առաջնությունում անհաջողությունները շարունակում են հետապնդել հայաստանցի նշանառուներին: Վերջին երկու օլիմպիական խաղերի մասնակից Նորայր Բախտամյանն իր նախընտրած 10 մետր՝ ատրճանակ մրցաձեւում, որից 2004 թվականին Աթենքում կայացած օլիմպիական խաղերում քիչ էր մնում ոսկե մեդալ նվաճեր, այս անգամ 577 միավորով բավարարվեց 28-րդ տեղով: Ավելի վատ արդյունքներ ցուցադրեցին մեր մյուս երկու հրաձիգները: Նորայր Առաքելյանը 94-րդն էր, իսկ Անդրանիկ Փիլոսյանը՝ 98-րդը: Լավ է, որ նրանք տեղ են զբաղեցրել առաջին հարյուրի մեջ:
