![\"\"](\"https://www.aravot.am/2010/aravot_arm/October/7/p26.jpg\")
Խորվաթիայի թանգարանը որոշել է կազմել տհաճ հիշողությունների յուրահատուկ հավաքածու եւ բացել է Կոտրված սրտերի թանգարան:
Թանգարանում հաշվվում է ավելի քան 600 ցուցանմուշ, այդ թվում՝ սիրային նամակներ, փափուկ խաղալիքներ, հեծանիվ եւ հարսանյաց զգեստ:
Օրինակ, կացինն այդ թանգարանում պարզապես գործիք չէ: Դրանով գերմանացի լեսբուհին մի քանի տարի առաջ ոչնչացրել է այն ամենը, ինչ նրան հիշեցրել է նախկին ընկերուհուն: Կազմակերպիչները որոշել են Կոտրված սրտերի թանգարան բացել, երբ բաժանվել են իրենց մտերիմներից: Երբ համացանցում տարածվել է այդ թանգարանի գոյությունը, ցուցանմուշներ են ուղարկվել ամբողջ աշխարհից: Թանգարանում այլեւս տեղ չկա նոր իրերի համար: Ըստ կազմակերպիչների՝ կոտրված սրտի ապաքինման ուղղությամբ առաջին քայլը չհաջողված հարաբերությունների մասին հիշեցնող ամեն ինչից ազատվելն է: