Բուլղարիայիում՝ Սոպոտ քաղաքում անցկացված բազկամարտի «Nemiroff»-ի գավաթի (այն կոչում են նաեւ աշխարհի գավաթ) 8-րդ խաղարկությունում Հայաստանը ներկայացնող երեք մարզիկներից գերազանց հանդես եկավ Եվրոպայի գործող չեմպիոն, մինչեւ 70 կգ քաշային Վլադիմիր Մնացականյանը: Երեւանցի մարզիկը ձախ ձեռքով պայքարում նվաճեց հաղթողի կոչումը, իսկ աջ ձեռքով դարձավ երկրորդ մրցանակակիր: Այս մասին երեկ մեզ տեղեկացրեց Հայաստանի բազկամարտի ֆեդերացիայի նախագահ Արսեն Գաբրիելյանը: