ՈՒԵՖԱ-ի շտաբ-բնակարանում կայացած կանանց ֆուտբոլի Եվրոպայի 2013 թվականի առաջնության ընտրական մրցաշարի վիճակահանությունը որոշեց Հայաստանի ազգային հավաքականի մրցակիցներին: Ութ թիմերը բաժանվել էին երկու խմբի: Մեր աղջիկների մրցակիցները խմբային մրցաշարում լինելու են Մալթան, Ֆարերյան կղզիները եւ Վրաստանը:
Խմբային մրցաշարը կայանալու է Մալթայում 2011 թվականի մարտի 3- 8-ը: Հաջորդ փուլում պայքարը շարունակելու իրավունք ստանալու են միայն խմբերում առաջին տեղերը գրաված հավաքականները: Հայաստանը, կարծում ենք, առաջին արգելքը հաղթահարելու հնարավորություն ունի, իհարկե, եթե ֆեդերացիան անհրաժեշտ ուշադրություն դարձնի նախապատրաստական փուլին:
