Հայաստանի կրթության համակարգում անցկացվող բարեփոխումների հիմնական նպատակներից մեկը երիտասարդ սերնդի հայրենասիրական դաստիարակությունն է: Այդ մասին, ըստ «Արմինֆոյի», երեկ հայտարարել է ԿԳ նախարար Արմեն Աշոտյանը՝ երիտասարդության ռազմահայրենասիրական դաստիարակության մակարդակի եւ որակի բարձրացման հարցերին նվիրված խորհրդակցության ժամանակ: Նախարարի կարծիքով, դաստիարակության խնդիրը Հայաստանում ներառում է երկու բաղադրիչ՝ ռազմաքաղաքական դաստիարակությունը եւ քաղաքացու դաստիարակությունը, այսինքն՝ մարդու, ով գիտի իր իրավունքները, սակայն ընդսմին գիտակցում է իր պատասխանատվությունն ու պարտավորությունները: Նշելով բանակի կարեւորությունն առկա աշխարհաքաղաքական իրողություններում, Աշոտյանը միեւնույն ժամանակ ընդգծել է բանակ-հասարակություն եւ, մասնավորապես, դպրոցի հետ կապի ամրապնդման հետագա անհրաժեշտությունը:
