ՍՏՈՒԳՈՒՄ ԵՆՔ ԻՄՈՒՆԻՏԵՏԸ

Եթե համաձայն եք՝ այո (10 միավոր), երբեմն՝ 5 միավոր, ոչ՝ 0 միավոր:

1. Տարին 4 անգամից շատ եք հիվանդանում մրսածությամբ:

2. Բանջարեղեն, կանաչեղեն եւ մրգեր օրը օգտագործում եք 300 գ-ից քիչ:

3. Վատ եք քնում, աշխատում եք «մաշվելու» չափ:

4. Ձեզ հեշտությամբ զայրացնում են եւ «դուրս բերում սահմաններից»:

5. Ձեր եղունգները փշրվող են, մաշկը՝ չոր եւ թեփոտվող:

6. Առավոտյան ձեզ զգում եք թույլ, հոգնած, չնայած երեկոյան քնել եք ժամանակին:

7. Ձեր աշխատանքը «նստած» տիպի է, դուք քիչ եք շարժվում, գործնականապես չեք քայլում:

8. Ունեք քաշի խնդիրներ՝ այն նորմայից պակաս է կամ ավելի:

9. Ձեր ոտքերը եւ ձեռքերը մշտապես սառն են:

10. Խրոնիկական տոնզիլիտի պատճառով հեռացրել են ձեր նշագեղձերը:

11. Դուք շատ շուտ եք հոգնում:

12. Ծխում եք:

13. Դուք ապրում եք ոչ բարենպաստ էկոլոգիա ունեցող քաղաքում:

14. Ցերեկը հաճախ եք հորանջում եւ «երազում» քնելու մասին:

15. Դուք տառապում եք խրոնիկական հիվանդությամբ:

16. Դուք հակված եք ալերգիայի:

17. Ձեզ հաճախ է «կպչում» հարբուխը, երբ դրանով հիվանդ են ձեր գործընկերները կամ էլ տան անդամները:

18. Եթե դուք հազում եք, այն տեւում է երկար:

Ընդհանրացնենք միավորները:

0-60 միավոր: Կարող եք լինել հանգիստ: Ձեր իմունային համակարգը լավ վիճակում է եւ կայուն: Նույնիսկ հիվանդանալիս դուք ապաքինվում եք շուտ եւ առանց բարդությունների: Շարունակեք վարել նույն կենսակերպը:

61-125 միավոր: Ձեր օրգանիզմի պաշտպանիչ ուժերը նորմայի սահմաններում են: Դեռ անհանգստանալու կարիք չկա: Վարեք ավելի առողջ կենսակերպ: Գարնանը օգտագործեք վիտամինային կոմպլեքս (պոլիվիտամիններ): Ճիշտ սնվեք, լիարժեք քնեք, զբաղվեք մարմնամարզությամբ:

125 միավորից ավելի: Ձեր իմունիտետային համակարգը այնքան էլ լավ վիճակում չէ: Դիմեք թերապեւտին եւ իմունոլոգին: Մի զբաղվեք ինքնաբուժմամբ: