Քրեակատարողական և պրոբացիայի ծառայությունների զարգացումը՝ 2027 թվականի բյուջետային առաջնահերթությունների շարքում
Արդարադատության նախարարության կողմից իրականացվող ծրագրերի ֆինանսավորման ավելի քան 60 տոկոսը բաժին է ընկնում «Քրեակատարողական ծառայություններ» ծրագրին:
✅Պետական բյուջեից ստացված միջոցներն ուղղվելու են՝
📌քրեակատարողական, պրոբացիայի ծառայության կարողությունների և կադրային ներուժի զարգացմանը, ծառայողների սոցիալական երաշխիքների բարելավմանը,
Կարդացեք նաև
📌էլեկտրոնային հսկողության համար անհրաժեշտ միջոցների և ենթակառուցվածքների ապահովմանը,
📌E-probation էլեկտրոնային կառավարման համակարգի կիրառմանը։
Քրեակատարողական ծառայության և քրեակատարողական հիմնարկների ընթացիկ ծախսերի համար 2027 թվականին նախատեսվել է 14 մլրդ 482 մլն 375 հազ․ դրամ դրամ, 2026 թվականի համեմատ լրացուցիչ նախատեսվել է մոտ 1 մլրդ 129 մլն դրամ: Աճը հիմնականում պայմանավորված է կալանավորված անձանց ուղեկցումների գործառույթը ՀՀ ներքին գործերի նախարարությունից Ծառայության փոխանցմամբ։ Այդ գործառույթի իրականացման նպատակով ծառայության հաստիքների թվաքանակն ավելացվել է 100-ով։
✅Շարունակվելու են քրեակատարողական հիմնարկներում պահման պատշաճ պայմանների ապահովման և ենթակառուցվածքների բարելավման աշխատանքները՝ հատուկ ուշադրություն դարձնելով հաշմանդամություն ունեցող անձանց, անչափահասների, հղի կանանց և մինչև երեք տարեկան երեխա ունեցող կանանց կարիքներին։
✅Շարունակվելու է ազատությունից զրկված անձանց, այդ թվում` անչափահասների կրթություն ստանալու իրավունքի շարունակականությունը, մասնագիտական կրթության նոր ծրագրերի ներդնումը, ազատությունից զրկված անձանց համար հանրակրթության իրականացումը:
2027 թվականին նախատեսվում է ապահովել 100 դատապարտյալի հանրակրթությունը։
📌Պրոբացիայի ծառայությունում հաշվառված շահառուների թիվը զգալիորեն աճել է 2026 թվականի հոկտեմբերի դրությամբ՝ 22,667։ 2027 թվականին նախատեսվում է սպասարկել 30,947 շահառուի։
2027 թվականին շահառուների համար նախատեսվում է իրականացնել՝
✅340 մշակութային և սպորտային միջոցառում,
✅ընդլայնել վերասոցիալականացման ծրագրերին մասնակցությունը,
✅ավելացնել հանրային աշխատանքների պատժատեսակում ներգրավված շահառուների թիվը։
Ազատությունից զրկելուն այլընտրանք հանդիսացող պատժատեսակների և խափանման միջոցների արդյունավետ կիրառման նպատակով կշարունակվի պրոբացիայի ծառայության վերազինումը էլեկտրոնային հսկողության միջոցներով և ենթակառուցվածքներով:
ՀՀ արդարադատության նախարարություն
