Քննչական կոմիտեի նախագահ Արթուր Պողոսյանին այսօր լրագրողները հարց ուղղեցին՝ բարոյակա՞ն էր ԲՀԿ առաջնորդ Գագիկ Ծառուկյանի դստեր վերաբերյալ այդպիսի հաղորդագրություն տարածելը, արդյոք այդ քայլով փորձել է հաճոյանա՞լ իշխանությանը։
«Այդ դեպքից հետո ես ուսումնասիրեցի ՔԿ հաղորդագրությունները, հավաստիացնում եմ, որ դուք լավ չեք ուսումնասիրել՝ մեր հաղորդագրությունների գերակշիռ մասում շարժառիթները նշվում են»,- պատասխանեց Պողոսյանը։
Այնուհետև ՔԿ նախագահը վրդովվեց․ «Ես ամաչելու խնդիր չունեմ, թող ամաչեն նրանք, ովքեր նման արարք են անում։ Մյուս անգամ այդ ձևով չարտահայտվեք։ Ես հաճոյանալու խնդիր չունեմ, շարժառիթն ապացուցման պարտադիր հատկանիշ է, թե ինչ շարժառիթով է կատարվել հանցանքը։ Վարույթ իրականացնող մարմինն է որոշում, թե որ դեպքում շարժառիթը նշի կամ չնշի։ Տվյալ դեպքում, հաշվի առնելով անձի ով լինելը, հանրային հնչեղություն ստանալը, հանրության մոտ հարց է առաջանալու՝ ենթադրաբար ինչի՞ պատվիրեց այս անձի սպանությունը։ Քննիչը տվյալ պարագայում որոշում է, թե ինչ ծավալով նախաքննության տվյալներ հրապարակի։ Այստեղ հաճոյանալու խնդիր չունենք։ Ի՞նչ կապ ունի Գագիկ Ծառուկյանի վերաբերյալ քրեական վարույթն այս վարույթի հետ։ Սա լրիվ այլ վարույթ է, մենք գործ ունենք ենթադրաբար սպանություն պատվիրելու հետ»։
Մանրամասները՝ տեսանյութում
Կարդացեք նաև
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
