«Երբ վերջերս արդարացվեց Վանաձորի նախկին քաղաքապետ Մամիկոն Ասլանյանը, որը 2 տարի 7 ամիս ազատազրկված է եղել, միանգամից գիտե՞ք՝ ինչ զգացողություն առաջացավ՝ դիսիդենտական Հայաստան։ Ինչպե՞ս կարող է մարդը 2 տարի 7 ամիս ազատազրկված լինել և անմեղ ճանաչվել։ Ինչի համար ուզել են, դրա համար տարել, փակել են»,- այսօր «Այլընտրանքային նախագծեր» խմբի կազմակերպած՝ «Կալանավորված Հայաստան» թեմայով կլոր սեղան-քննարկման ժամանակ ասաց իրավապաշտպան Ժաննա Ալեքսանյանը։
Նա նկատեց, որ Հայաստանում Մամիկոն Ասլանյանի օրինակները բազմաթիվ են։
«Մարդ կա՝ 5 օր է անցկացրել բանտում, 10 օր կամ ավելի։ Ո՞րն է դրա հետևանքը։ Հիմա շատ եմ լսում, որ մարդիկ ասում են՝ կգնամ, կնստեմ, դուրս կգամ, չեմ վախենում։ Բայց դա ի՞նչ ձև է։ Այսինքն՝ շեղում է օրինականությունից։ Այս իշխանությունը պետք է պատասխան տա։ Ինչ-որ մեկը՝ Նիկոլ անունով, ինչ ուզում՝ ասում է, ինչ ուզում՝ անում է, ում ուզում՝ բանտ է ուղարկում։ Ապօրինությունների մեջ ենք հայտնվել»,- ընդգծեց իրավապաշտպանը։
Կարդացեք նաև
Արփինե ՍԻՄՈՆՅԱՆ
