Disney-ը և Youtube-ը պատրաստվում են 10-15 մլն դոլար ծախսել ու ստեղծել երեխաների համար նախատեսված վեբ-սերիալ: Ֆիլմի արտադրությամբ կզբաղվի Disney-ը, իսկ Youtube-ը կցուցադրի դրանք՝ կիսվելով Disney-ի հետ գովազդային եկամուտով:
Այս գործարքը երկկողմանի շահավետ է, քանի որ Disney-ի պաշտոնական կայքի այցելությունների թիվը վերջերս կրճատվել է, և ընկերությունը ցանկանում է պահպանել դիրքերն օնլայն միջավայրում:
The New York Times-ը գրում է, որ այժմ Disney.com-ն ամբողջությամբ ենթարկվում է փոփոխությունների, քանի որ օգտագործողների կողմից ստացվել են բազմաթիվ բողոքներ՝ կայքի դանդաղության ու գովազդային հագեցվածության հետ կապված:
Նշենք, որ Google-ը, որին պատկանում է Youtube տեսահոսթինգը, որոշել է 100 մլն դոլար տրամադրել ունիկալ բովանդակությամբ ալիքների ստեղծմանը, ինչը թույլ կտա կայքին մրցել հեռուստատեսության հետ:
Կարդացեք նաև
PCNews.am