Այսօր՝ դեկտեմբերի 12-ին, խոշոր ավտովթար է տեղի ունեցել Գեղարքունիքի մարզում:
Ինչպես aravot.am-ին դեպքի վայրից հայտնեց ֆոտոլրագրող Գագիկ Շամշյանը՝ ժամը 19:00-ի սահմաններում Վարդենիս քաղաքից դեպի Արեգունի գյուղ տանող ճանապարհին ԳԱԶ-24 մակնիշի ավտոմեքենան բախվել է ՎԱԶ 2106 մակնիշի ավտոմեքենային:
Բախման հետևանքով Վազ 2106-ի մեջ գտնվողներից 3-ը տեղում մահացել են, իսկ չորորդը մահացել է Վարդենիսի հիվանդանոցի ճանապարհին:
Դեպքի վայր են ժամանել ՃՈ 2-րդ սպայական գումարտակի աշխատակիցները, 2-րդ սպայական գումարտակի հրամանատար Արսեն Արշակյանի և 2-րդ սպայական գումարտակի 4-րդ վաշտի աշխատակիցները, 4-րդ վաշտի հրամանատար Սերգեյ Հակոբյանի գլխավորությամբ:
Մահացածներին ՎԱԶ 2106-ից դուրս են բերել ԱԻՆ Հայաստանի փրկարար ծառայության Գեղարքունիքի մարզի փրկարարները, տեղի բնակչության օգնությամբ:
Արդեն դեպքի վայր են ժամանում ոստիկանության ՔԳՎ Գեղարքունիքի մարզի քննչական բաժնի օպերատիվ քննչական խումբը:
Գազ 24-ի վարորդը նույնպես տեղափոխվել է բժշկական կենտրոն: