Ինչո՞ւ Սամվել Նիկոյանը նույն հետեւողականությամբ չի պայքարում այն պատգամավորների դեմ, որոնց լրագրողները կնքել են «խրոնիկ հիվանդներ» անունով. չէ՞ որ այս դեպքում՝ նրանց նպատակը եւս մեկն է՝ խաբել ԱԺ ղեկավարությանը եւ իրենց բացակայությունները հարգելի ներկայացնել: Այսպիսին էր «ՉԻ» հարցադրումը: Մեզ համար անակնկալ էր, բայց փաստ. Նիկոյանը չգիտեր, որ պատգամավորների մեծամասնությունը հարգելի բացակայության համար ներկայացնում է կեղծ բժշկական տեղեկանք: Հանդիպմանը ներկա լրագրողներից մեկն անգամ պատմեց, որ, օրինակ, ԱԺ պատգամավոր Մխիթար Վարագյանը ամեն անգամ տեղեկանք է ներկայացնու.մ, թե ինքը պառկած է եղել սննդային թունավորմամբ: «Ես էլ հա գրում եմ, որ էդ տղան անընդհատ չգիտի, թե ինչ է ուտում», նկատեց լրագրողը: Նիկոյանը հանդիպմանը ներկա ԱԺ իրավաբաններին ցուցում տվեց զբաղվել այդ հարցով եւ իրեն զեկուցել, թե արդյո՞ք կան պատգամավորներ, որոնք կեղծ տեղեկանքներով փորձում են իրենց բացակայությունը հարգելի դարձնել:
Գոհար ՎԵԶԻՐՅԱՆ
«Չորրորդ ինքնիշխանություն»
