Այսօր՝ փետրվարի 2-ին, Երևանի Կենտրոն Նորք-Մարաշ վարչական նշրջանների ընդհանուր իրավասության դատարանում շարունակվել է Ճանապարհային ոստիկանության նախկին պետ, ոստիկանության գնդապետ Մարգար Օհանյանի և ՃՈ 2-րդ սպայական գումարտակի նախկին հրամանատար Ստեփան Կարախանյանի, ՃՈ աշխատակիցներ Արա Լևոնյանի, Սամվել Մախմուրյանի գործով դատավարությունը։Ինչպես դատարանի դահլիճից հայտնում է ֆոտոլրագրող Գագիկ Շամշյանը, այս պահին դատարանում վկայություն է տալիս ՃՈ երկրորդ սպայական գումարտակի հրամանատար Արսեն Արշակյանը։
Մինչ Արշակյանին լսելը, դատավոր Մխիթար Պապոյանը դատարանին հայտնեց, որ փետրվարի 1-ին դատարան դիմում է մուտք եղել ՃՈ առաջին սպայական գումարտակի հրամանատար Եղիշ Ենգիբարյանի կողմից, որով հա հայտնել է դատարանին, որ նախորդ դատական նիստի ժամանակ իր կողմից դատարանում տրված վկայությունների պահին եղել է հուզված, կաշկանդված, քանի որ առաջին անգամ է նման դեպքի առնչվել, ուստի խնդրել է դատավորից ու դատարանից որպես հիմք ընդունել նախաքննչական մարմնում տված իր ցուցմունքը։
Ի դեպ, այսօր դատարանի դահլիճում է գտնվում նաև ԱԺ նախկին պատգամավոր, էջմիածնեցի Հակոբ Հակոբյանը։
Կարդացեք նաև
Լուսանկարները՝ Գագիկ ՇԱՄՇՅԱՆԻ
