Aravot.am-ը շարունակում է տարբեր կուսակցություններից ճշտել, թե, այնուամենայնիվ, որտե՞ղ են գործարար Սիլվա Համբարձումյանին գրկաբաց սպասում եւ ո՞ր կուսակցությունն իսկապես ունի վերջերս մեծ աղմուկ հանած կնոջ պահանջարկը:
Այսօր այդ մասին մեր հարցից «Ազատ դեմոկրատներ» կուսակցության անդամ Ալեքսանդր Արզումանյանն անկեղծորեն զարմացել էր. «Սիլվա Համբարձումյա՞նն ով է»: Մենք սկսեցինք պատմել, թե այն կինը, որին Սյունիքի մարզպետ Սուրեն Խաչատրյանն ապտակել էր, որ ինքը դատի էր տվել մարզպետին:
Դեպքերի մանրամասները լսելուց հետո պարոն Արզումանյանը «տեղը բերեց». «Հա, իմացա, բայց չեմ ճանաչում այդ տիկնոջը, չգիտեմ, առաջին անգամ եմ լսում: Մենք գրկաբաց ենք բոլոր ազատ դեմոկրատների համար, սա բաց կուսակցություն է»:
Հռիփսիմե ՋԵԲԵՋՅԱՆ
Կարդացեք նաև
