Նիկի Հիլթոն
Հանրահայտ Փերիս Հիլթոնի քույրը՝ Նիկին, դարձել է իր իսկ քարտուղարուհու մեքենայությունների զոհը, որը ոչ միայն ջերմ հարաբերություններ է հաստատել ամուսնու՝ Թոդ Մայսթերի հետ, այլեւ հաջողացրել է նրանց ընտանիքից մոտ $ 1,6 միլիոն գողանալ:
Այդ խարդախը Ռենատա Շամկարովա անունով 27-ամյա մի ռուս գեղեցկուհի է: Թե ինչպես է նա դարձել Հիլթոն աստղային ընտանիքի քարտուղարուհին, պարզ չէ: Հայտնի է միայն այն, որ Ռենատան դրանից առաջ աշխատել է որպես մոդել եւ դերասանուհի:
Շամկարովան մեկ տարում այնքան է մտերմացել Թոդի հետ, որ սկսել է ազատ օգտվել նրա էլիտար կրեդիտ քարտից: Ավելին, Ռենատան Թոդի «American Express» էլիտար «սեւ» քարտերից մեկը, իսկ այդպիսիների թիվն աշխարհում 100 հազարի չի հասնում եւ անսահմանափակ գնումներ կատարելու իրավունք է տալիս, գրանցել է իր անունով ու թանկարժեք զարդեղեն, բնակարանի կահույք գնել, շրջել ամբողջ աշխարհով՝ հանգրվանելով հինգ աստղանի հյուրանոցներում:
Ներկայումս Շամկարովան ձերբակալված է եւ նրան լուրջ մեղադրանքներ են ներկայացված:
Աշոտ ՀԱԿՈԲՅԱՆ
