Ֆուտբոլի Պաղեստինի օլիմպիական հավաքականի դարպասապահ Օմար Աբու Ռավիսը ձերբակալվել է:
Նա կասկածվում է զանգվածային անկարգություններին մասնակցելու եւ իսրայելական զինվորների վրա կրակելու մեջ: Միջադեպը տեղի է ունեցել հունվարին, սակայն այդ տեղեկատվությունը հրապարակելու իրավունք տրվել է օրերս: «Isra.com»-ի փոխանցմամբ ֆուտբոլիստի հետ ձերբակալվել է եւս 12 մարդ: Սակայն Պաղեստինի Ինքնավարության ղեկավարությունը դարպասապահի ձերբակալման հարցով պաշտոնական բողոք է ներկայացրել ՖԻՖԱ՝ նշելով, որ Ռամալի շրջանում կատարված անկարգությունների ժամանակ պաղեստինցիների արձակած կրակոցներից իսրայելցի ոչ մի զինվոր չի տուժել: Իսկ ավտոմատը Աբու Ռավիսին տվել է Պաղեստինի անվտանգության ծառայության սպաներից մեկը:
Աշոտ ՀԱԿՈԲՅԱՆ