Կապանյան «Խուստուփ TV» մալուխային հեռուստատեսության «Կապանլուր» լրատվական ծրագիրը եթեր դուրս չի գա մինչեւ մայիսի 9-ը: Հեռուստատեսության խմբագիր Սասուն Մանուկյանը Media.am-ին հավատացրել է, որ իրենց այս որոշումը կապված չէ մայիսի 6-ի խորհրդարանական ընտրությունների հետ:
«Կլինեն մարդիկ, ովքեր այս քայլին կտան քաղաքական ենթատեքստ, ինչը, սակայն սխալ մոտեցում է»,- ասել է Սասուն Մանուկյանը եւ ավելացնում, որ իրենք ուղղակի տեխնիկական վերազինման փուլում են եւ պատրաստվում են նոր եթերաշրջանի:
