Մայիսի 6-ին նշանակված Աժ ընտրություններում գրանցված պատգամավորության թեկնածուները, ովքեր պետական մարմինների աշխատակիցներ ու պաշտոնատար անձինք են, գրանցվելուց հետո մինչեւ նախընտրական քարոզչության ավարտը պետք է ժամանակավորապես ազատվեն իրենց աշխատանքային պարտականությունները կատարելուց: Սա ՀՀ ընտրական օրենսգրքի 107 հոդվածի 2-րդ կետի պահանջն է: Տավուշի մարզպետ Արմեն Ղուլարյանը ՀՀԿ համամասնական ցուցակի 65-րդ տեղում է: Սակայն մարզպետն արձակուրդ չի գնացել: Ինչպես տեղեկացնում է Տավուշի մարզպետարանի ինտերնետային կայքը (www. тavush.gov.am), մարզպետ Ղուլարյանը ապրիլի 4-ին վարել է հողերի օգտագործման ժամանակավոր սխեմաների կազմման աշխատանքները համակարգող մարզային հանձնաժողովի անդրանիկ նիստը, որը քննարկել եւ հավանություն է տվել Բագրատաշեն համայքի հողերի օգտագործման սխեմայում փոփոխություն կատարելու հարցին:
Ոսկան ՍԱՐԳՍՅԱՆ
