ՀՀ վարչական դատարանի այսօրվա նիստում կվճռվի թիվ 37 ընտրատարածքում մեծամասնական ընտրակարգով առաջադրված պատգամավորի թեկնածու Թաթուլ Հակոբյանի գրանցումն անվավեր ճանաչելու կամ չճանաչելու հարցը: Նույն ընտրատարածքում առաջադրված Սամվել Հարությունյանը օրերս դիմել էր ՀՀ վարչական դատարան եւ բողոքարկել Թաթուլ Հակոբյանի գրանցումը, նշելով, որ թեկնածուն վերջին 5 տարիներին Հայաստանում չի բնակվել:
Իսկ երեկ Սյունիքի թիվ 37 ընտրատարածքային ընտրական հանձնաժողով ինքնաբացարկի դիմում էր ներկայացրել մեծամասնական ընտրակարգով ԱԺ պատգամավորի թեկնածու, ինքնաառաջադրված եւ անկուսակցական Մալիկ Թելունցը: Օրեր առաջ էլ ինքնաբացարկի դիմում էր ներկայացրել նույն ընտրատարածքում ինքնաառաջադրված, անկուսակցական Արտակ Սիսակյանը:
Ներկա դրությամբ թիվ 37 ընտրատարածքում պայքարը շարունակվում է 4 թեկնածուների միջեւ: Թիվ 37-ում առաջադրված թեկնածուներն են` ՀՀԿ ներկայացուցիչ Հայկ Գրիգորյանը, ինքնաառաջադրված Թաթուլ Հակոբյանը, Սամվել Հարությունյանը եւ Վարազդատ Վարդազարյանը:
Մերի ՍՈՂՈՄՈՆՅԱՆ
Կարդացեք նաև
