Արմավիրի մարզի Էջմիածին քաղաքում քիչ առաջ ավարտվեց ԲՀԿ նախագահ Գագիկ Ծառուկյանի նախընտրական հանդիպումը: Մինչ Ծառուկյանը կսկսեր ներկայացնել կուսակցության ծրագիրը, հավաքվածները ողջույնի խոսքեր էին բղավում: «Մեզ միասնական դարձրեք, պարոն Ծառուկյան», իր սրտի պոռթկումը պատգամեց երիտասարդ մի կին:
Գագիկ Ծառուկյանն իր հերթին կոչ արեց ընտրություն կատարել խղճի կամոք: Ասաց, որ ԲՀԿ-ն պատասխանատվություն կկրի առկա խնդիրների վերացման համար ճիշտ այնքան, որքան որ ձայն կստանա:
Նաեւ հավելեց, թե անկախ ԲՀԿ-ի ստացած տոկոսներից, ինքը բոլորին էլ շատ սիրում է եւ օգնելու է իր ուժերի ներածի չափ: Ծառուկյանը նաեւ ասաց, որ ժողովրդի նման ջերմ ընդունելությունը իր համար ավելի պարտավորեցնող է: Ասաց, որ ԲՀԿ-ում խնդիրներից տեղյակ են, բայց նաեւ դրանց լուծման ձեւերը գիտեն:
Ելույթը ավարտելուց հետո Գագիկ Ծառուկյանը չհասցրեց բեմահարթակից իջնել. ժողովուրդը մոտեցավ հարթակին եւ յուրաքանչյուրը փորձում էր սեղմել ԲՀԿ առաջնորդի ձեռքը ու ինչ-որ բան ասել: Ծառուկյանը չոքեց բեմահարթակին ու սկսեց զրուցել մարդկանց հետ:
Կարդացեք նաև
Նելլի ԳՐԻԳՈՐՅԱՆ
Տեսանյութը՝ News.am-ի
