Այսօր «Ժառանգություն» խմբակցության ղեկավար Ստյոպա Սաֆարյանը կոնկրետ օրինակ էր բերել՝ ընտրախախտման: Նա ներկայացրեց մի ցուցակ եւ վստահեցրեց, որ դա բաժանվում է «ՍԱՍ» սուպերմարկետների ցանցի առաքիչների միջոցով՝ անուն-ազգանուն-հայրանուններ հավաքելու համար: Ըստ Ստյոպա Սաֆարյանի՝ «Սա համատարած է, մի մտածեք, որ միայն «ՍԱՍ» -ինն է: Եղել են նաեւ մի քանի պահեր, երբ որոշ թաղամասերում, ինքնագործունեության արդյունքում, մրցակից թիմի անդամները որոշել են երեխաների միջոցով որոշ խոչընդոտներ հարուցել, բայց ընդհանուր առմամբ հանդարտ է»:
Ստյոպա Սաֆարյանը նաեւ նշեց, որ նկատելի է վախի մթնոլորտ սերմանելու ցանկությունը. «Տավուշի, Արմավիրի մարզում, հատկապես գյուղական բնակավայրերում նկատելի է պետական մարմիների միջոցով ահաբեկման մթնոլորտ ստեղծելն ու հանդիպումներին խոչընդոտելը: Նկարահանվել են հանդիպման մասնակիցները՝ ամենայն մանրակրկիտությամբ: Երբ հանդիպումներ էինք ունենում, բոլորի մոտ ակնհայտ էր զգուշավորությունը՝ հանրահավաքներին գալ, մասնակցելու, անգամ համակիրներն ասում էին, որ կողմնորոշված ենք, բայց կլինի՞ չգալ հանդիպման»:
Համակարգչային հայտնի վրիպակին անդրադառնալով՝ Ստյոպա Սաֆարյանը բոլոր մեղադրանքներին վերջ դնելու համար բացատրեց խնդիրը ամենասկզբից. «Սկզբնական շրջանում «Ժառանգության» բոլոր տարածքային ստորաբաժանումներին խնդրվել է ներկայացնել «Էքսել»-ի կամ «վորդի» ֆորմատով ցուցակներ, հետո տեղեկացվել են, որ պետք է ներկայացվի ԿԸՀ-ի կայքում առկա ֆորմատով, որը այլ ֆորմատ է, որոշակի միջամտության արդյունքում կարող են պահվել մուտքագրված տեղեկատվությունը»: Նա ասաց, որ համակարգչային գիտելիքներ իմացողը կհասկանա, թե ինչ խնդիր է դա՝ «Եթե համակարգչի բջիջի հետ համապատասխան աշխատանք չես կատարում՝ քո մուտքագրումները չեն պահպանվում: Հաջորդ օրը մենք իմացանք, որ ԿԸՀ-ի «ֆայլի» հետ նման օպերացիաներ են կիրառված, սովորական մարդը չի կարող օգտագործել»: Ս. Սաֆարյանը հորդորեց նախկին իշխանություններին կողտոտ տեխնոլոգիաների չդիմել ու «Ժառանգությանը» չմեղադրել ՀՀԿ-ի հետ համագործակցելու մեջ. «Դա անբարոյականության վերջն է: Եթե փորձում են մեր վրա ցեխ շպրտել՝ բնականաբար ստանալու են արժանի պատասխան: Թող իրենց սրբի տեղ չդնեն»:
Կարդացեք նաև
Հարցին՝ միասնական շտաբում ընտրողների ընտրացուցակները հրապարակային դարձնելու հետ կապված միանալո՞ւ եք միասնական շտաբի ստորագրահավաքին՝ հակասահմանադրական ճանաչելու այդ դրույթը՝ Ստյոպա Սաֆարյանը նշեց, որ «Ժառանգությունը» խնդիր չի տեսնի նման աշխատանքներին միանալ: Ես ուզում եմ ճշտել, որ «Ժառանգությունը» չի հանդիսանում միասնական շտաբի հիմնադիրը, մենք ընդամենը մասնակցել ենք դրանց նախապատրաստական աշխատանքներին: Մենք պատրաստ ենք մեր հայտնաբերած խախտումները տրամադրել, եթե տեսնենք, որ զբաղվում են դրանցով՝ ուրախ կլինենք»:
Հռիփսիմե ՋԵԲԵՋՅԱՆ
