Aravot.am-ը ՀՀԿ փոխնախագահ Գալուստ Սահակյանից հետաքրքրվեց` ԲՀԿ-ի` կոալիցիա չկազմելու վերջնական որոշումից հետո ինչպե՞ս եք պատկերացնում Ձեր հետագա անելիքները: Պարոն Սահակյանը պատասխանեց. «Մենք մեր հետագա անելիքները, մեր ռազմավարությունը վաղուց ենք որոշել, եւ նոր չէ, որ պիտի իմանանք մեր հետագա անելիքները»: Մեր հարցին` առջեւում նախագահական ընտրություններ են, որեւէ կապ չունե՞ր այսինքն ՀՀԿ-ի համար` ԲՀԿ-ն մտնե՞ր կոալիցիայի մեջ, թե՞ ոչ` պարոն Սահակյանը պատասխանեց, որ կապ ունեն բոլոր քաղաքական ուժերը. «Ընտրություններից հետո ամեն մի քաղաքական ուժ ինքն է որոշում իր սկզբունքներն ու քայլում այդ սկզբունքների համաձայն»: Մենք ճշտեցինք` այսինքն Ձեր կարծիքով ԲՀԿ-ի այս որոշումը սկզբունքայի՞ն էր` նա պատասխանեց, որ այո:
Մեր հարցին` սրանից հետո ԲՀԿ-ի նկատմամբ Հանրապետականը վարչական ռեսուրսներով ճնշումնե՞ր է փորձելու գործադրել` Գալուստ Սահակյանը այսպես պատասխանեց. «Մոռացե’ք այդ մասին, ՀՀԿ-ն ճնշումներ չի գործադրել որեւէ մի քաղաքական ուժի նկատմամբ, եւ կապ չունի` այն ընդդիմադի՞ր է, թե՞ ոչ»:
Հռիփսիմե ՋԵԲԵՋՅԱՆ
