Լրահոս
Օրվա լրահոսը

Աբովյան համայնքի սեփականության իրավունքն է գրանցվել Հատիս փողոցում գտնվող հողամասի նկատմամբ

Նոյեմբեր 21,2026 11:52 Share
Աջակցեք aravot.am-ին

Կոտայքի մարզի Աբովյան համայնքի սեփականության իրավունքն է գրանցվել Աբովյան քաղաքի Հատիսի փողոց 1/19/2 հասցեում գտնվող 33 քմ մակերեսով հողատարածքի նկատմամբ:

Հիշեցնենք, որ Գլխավոր դատախազության պետական շահերի պաշտպանության վարչությունը հայցադիմում էր ներկայացրել Հակակոռուպցիոն դատարան՝ ընդդեմ Աբովյան համայնքի և ֆիզիկական անձի, վերջինիս պատկանող՝ Աբովյան քաղաքի Հատիս փողոցի թիվ 1/19/2 հասցեում գտնվող հողամասի աճուրդն անվավեր ճանաչելու և անվավերության հետևանքներ կիրառելու պահանջների մասին:

Հակակոռուպցիոն դատարանի՝ 2025 թվականի օգոստոսի 21-ի վճռով բավարարվել էր Գլխավոր դատախազության հայցը։

Վճռով, ի թիվս այլնի, արձանագրվել է, որ օտարվել է Հողային օրենսգրքի 60-րդ հոդվածի սահմանափակումների ցանկում ընդգրկված և ֆիզիկական և իրավաբանական անձանց օտարման ոչ ենթակա հատուկ նշանակության կանաչապատ տարածք:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԱՏԱԽԱԶՈՒԹՅՈՒՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել