«Առջեւում դեռ նախագահական եւ Երեւանի ավագանու ընտրություններ են: ՀՀ հարյուր հազարավոր քաղաքացիներ իրենց ձայնը խորհրդարանական ընտրություններում տվել են ընդդիմությանը, ոչ թե իշխանությանը: Հետեւաբար, այն ուռճացված ցուցակները, որ հրապարակվեցին եւ քվեներ գրվեցին այս կամ այն կուսակցությանը՝ դեռ ոչինչ չեն նշանակում»,- «Առավոտի» հետ զրույցում ասաց «Ժառանգություն» կուսակցության վարչության անդամ Զարուհի Փոստանջյանը՝ նկատելով, որ Քադաֆին էլ ժամանակին բացարձակ մեծամասնությամբ էր ընտրվում: Մեր դիտարկմանը՝ իսկ ի՞նչը պետք է փոխվի այս ընթացքում, նա նկատեց. «Մենք պետք է փոխվենք»: «Առավոտի» հեգնանքին՝ «Հավատանք, որ փոխվե՞նք», «Ժառանգության» վարչության անդամը հակադարձեց. «Ուղղակի մի քանի անհատ մարտիկների գաղափարը պետք է դառնա բոլորինը, պետք է դառնա դրոշակ: Ամենակարեւորը՝ մենք կանք, մենք խնդիր ենք լինելու իրենց համար, մենք ոչ միայն խնդիր ենք հարուցելու, այլեւ լուծելու ենք այդ խնդիրը»:
«Առավոտ» օրաթերթ
Կարդացեք նաև
