Նոյեմբերյան-Իջեւան ճանապարհի Ոսկեպար-Կիրանց շրջանցիկ հատվածով երթեւեկելիս հաճախ կարելի է տեսնել անտառից սահմանամերձ գյուղ փայտի կտոր քարշ տվող ոսկեպարցիների: Անտառը Ոսկեպար գյուղի վերեւում է , ներքեւ վառելափայտ քարշ տալը ֆիզիկական մեծ ջանքեր չի պահանջում: Ոսկեպարը, ինչպես նաեւ Ադրբեջանին սահմանամերձ Ոսկեվան, Բաղանիս, Բարեկամավան, Կոթի, Ջուջեւան գյուղերը գազաֆիկացված չեն, չնայած համապետական ամեն ընտրությունից առաջ իշխանությունները դրանք շուտափույթ գազաֆիկացնելու խոստումներ են տալիս: Գազաֆիկացված չեն նաեւ Նոյեմբերյանի տարածաշրջանի` Վրաստանին սահմանակից գյուղերը` Բագրատաշենը, Դեբեդավանը, Դեղձավանը, Պտղավանը: Այս լուսանկարն արվել է Բերդ քաղաքում, որը գազաֆիկացված է : Սահմանամերձ գոտու կարիքավոր բնակիչների համար անտառից էշով փայտ կրելը տները ջեռուցելու մատչելի միջոց է:
Ոսկան Սարգսյան
