Սեպտեմբերի 13-ին, ՀՀ սպորտի և երիտասարդության հարցերի նախարար Հրաչյա Ռոստոմյանը ընդունել է30-րդ օլիմպիական խաղերի ոսկե մեդալակիր ձյուդոիստ Արսեն Գալստյանին:
Նախարարը շնորհավորել է մեր հայրենակցին օլիմպիական ոսկի նվաճելու կապակցությամբ, փաստելով, որ հասցրել է Արսենին առաջին անգամ շնորհավորել նրա հաղթանակից անմիջապես հետո՝ հենց Լոնդոնում: “Հպարտ ենք, որ ունենք նոր ազգությամբ հայ օլիմպիական չեմպիոն և միաժամանակ ուրախ, որ նա չի խզում իր կապերը հայրենիքի հետ: Մաղթում եմ, որ հաջորդ 2016 թվականին Ռիո Դե Ժանեյրոյում նույնպես Արսենը օլիմպիական ոսկու արժանանա”,- ասել է նախարարը:
Հանդիպմանը ներկա էին նաև ՀՀ ձյուդոյի ֆեդերացիայի նախագահ Վարդան Ոսկանյանը և ՌԴ ձյուդոյի վետերանների Մոսկվայի միության փոխնախագահ Արտաշ Կասեմյանը: Դիմելով Հայաստանի ձյուդոյի ֆեդերացիայի նախագահին, Հրաչյա Ռոստոմյանը շնորհակալություն է հայտնել նրան ոլորտում կատարվող աշխատանքների կապակցությամբ և փաստել, որ Հայաստանում շարունակվում են կրթվել և դաստիարակվել լավ մարզիկներ:
Կարդացեք նաև
Իր կողմից, Արսեն Գալստյանը շնորհակալություն է հայտնել նախարարին ջերմ ընդունելության համար, նշելով, որ միշտ հպարտացել է իր հայ լինելով և հորդորել արտերկրում աշխատող բոլոր հայ մարզիկներին սերտացնել կապերը հայրենիքի հետ:
Հիշեցնենք, որ ձյուդոիստ Արսեն Գալստյանը հանդես է գալիս 60 կգ քաշային կարգում և Լոնդոնում առաջինն է նվաճել Ռուսաստանի Դաշնության օլիմպիական ոսկին:
ՀՀ սպորտի և երիտասարդության հարցերի նախարարության
Տեղեկատվության և հասարակայնության հետ կապերի բաժի ն
