Այսօր Aravot.am-ը ԲՀԿ պատգամավոր Վարդան Օսկանյանից հետաքրքրվեց՝ որեւէ կանխատեսում ունի՞ վաղվա քվեարկության հետ կապված, մոտավորապես պատկերացնո՞ւմ է, թե ի՞նչ կլինի՝ կզրկե՞ն իրեն անձեռնմխելիությունից, չե՞ն զրկի: Նա պատասխանեց. «Չէ, ես իրոք չգիտեմ հաջորդն ինչ կլինի, ոչինչ չեմ ուզում կանխատեսել»:
Մենք պարոն Օսկանյանին նաեւ հարցրեցինք՝ Ձեզ համար անսպասելի չէ՞ր ՀԱԿ-ի դիրքորոշումը, տվյալ դեպքում՝՝ Նիկոլ Փաշինյանի ելույթը, ինչին նա պատասխանեց. «Գիտեք, ամեն մարդ իր անձնական կարծիքն ունի: Ոչ մի բան չեմ ուզում ասել»: Հարցին՝ Ձեր այս վիճակում, երբ վիրավորված ու կոտրված խոսում էիք՝ Ձեզ ցավ չպատճառե՞ց, որ հիշեցրին «Մարտի 1» եւ այլ սխալներ՝ պարոն Օսկանյանը պատասխանեց, որ չի ուզում դա մեկնաբանել. «Իրոք, այդպես էլ գրեք: Չեմ ուզում մեկնաբանել»:
Հռիփսիմե ՋԵԲԵՋՅԱՆ
