Թուրքական ԶԼՄ-ներն այսօր գրել են, որ Թուրքիայի իշխանությունները հոկտեմբերի 15-ի առավոտյան ստիպել են հայկական ինքնաթիռին վայրէջք կատարել Էրզրում քաղաքի օդանավակայանում:
Լուրը տարածվել է նաեւ մեր ԶԼՄ-ներում: Yerkir.am-ի հետ զրույցում «Օգնիր եղբորդ»նախաձեռնող խմբի անդամ Լիլիթ Գալստյանը հայտնեց, որ դա եղել է «Օգնիր եղբորդ» նախաձեռնության պատվիրած ինքանթիռը, որի մեջ կա 14 տոննա պարենամթերք եւ դեղորայք:
Պարզվում է, սակայն, որ ինքնաթիռը հարկադրաբար վայրէջք չի կատարել, այն եղել է պլանային: «Բավականին երկարատեւ բանակցություններից հետո հաջոցվել է «Էյր Արմենիա» օդանավային ընկերության բեռնատար ինքիաթիռով ժամը11:15-ին իրականացնել Երեւան-էրզրում-Հալեպ չվերթ: Նախապես պայմանավորվածություն է եղել թուրքական կողմի հետ, որ թռիչքուղին հենց այդպես էլ պետք է անցնի:
Հասկանալի է, որ պատերազմական գոտի է ինքնաթիռը գնալու, ուստի թուրքական կողմը ցանկանում էր վստահ լինել, որ իր օդային գոտով ընդամենը հումանիտար բեռ է անցնում»,-հայտարարեց Գալստյանը:
Կարդացեք նաև
Գալստյանը նշեց, որ «Օգնիր եղբորդ» նախաձեռնությունը 40 տոննա պարենամթերք եւ դեղորայք է հավաքել, օգնությունը շարունակակն բնույթ է կրելու:
«Երկիր»
