Այսօր հրավիրված ՀԱԿ քաղխորհրդի նիստում թեկնածուի հարց չի քննարկվել:
Այս մասին Aravot.am-ին ասաց ՀԱԿ անդամ «Քրիստոնյա-ժողովրդական վերածնունդ» կուսակցության նախագահ Սոս Գիմիշյանը. «Ընտրությունների հետ կապ չունեցող խնդիրներ են քննարկվել: Քաղխորհրդում որեւէ թեկնածուի կամ կուսակցության դիրքորոշման կամ բանակցությունների որեւէ խնդիր չի քննարկվել»:
Պարոն Գիմիշյանի խոսքերով` բացի «Ժառանգությունից» դեռ ոչ մի կուսակցություն չի որոշել, թե սեփական թեկնածուն ով է լինելու.«ԲՀԿ-ն էլ չունի իր որոշումը, խոսակցություններ ու կարծիքներ են միայն, բայց որոշում չկա»: Մեր դիտարկմանը, թե ԲՀԿ առաջնորդ Գագիկ Ծառուկյանը Zham.am-ին փոխանցել է, որ ընտրությւոնների վերաբերյալ արդեն ունի իր որոշւմը, պարոն Գիմիշյանը հակադարձեց.« Իր որոշումն է, ոչ թե կուսակցության: Ղեկավարը չի որոշում, նույնիսկ մեզ մոտ Լեւոն Տեր-Պետրոսյանը միանձնյա չի որոշում, անհատի որոշումն ու կուսակցության որոշումն այլ բան է»
Ինչ վերաբերում է մամուլում ԲՀԿ-ական Նաիրա Զոհրաբյանի պնդմանը, թե ԲՀԿ տարածքային կառույցների ղեկավարներն ու գերակշռող ԲՀԿ-ականները ցանկանում են ընտրությունների գնալ սեփական թեկնածուով եւ պնդում են կուսակցության ղեկավար Գագիկ Ծառուկյանի առաջադրումը, պարոն Գիմիշյանն ասաց.«Դա Նաիրա Զոհրաբյանի կարծիքն է: Եթե պարոն Ծառուկյանը որոշում կայացնի, այդ նույն տարածքային կառույցները կարող են մի վայրկյանում իրենց կարծիքը փոխել: Էլի եմ կրկնում՝ չեմ ուզում իմ կարծիքն ասել, որ չխանգարեմ բանակցային գործընթացին» Մեր հարցին հնարավո՞ր է ՀԱԿ-ը սեփական թեկնածու չառաջադրի ու համախմբվի, ՀԱԿ անդամն ասաց՝ ամեն ինչ հնարավոր է.«ՀԱԿ-ը նման խնդիր չի քննարկել, թեկնածուի մասով չունենք որոշում, հիմա բանակցային գործընթաց է գնում, աշխատում ենք այդ հարցերին չանդրդառնալ՝ տեսնենք վերջն ինչ կլինի: Քննարկումների, բանակցությունների արդյունքում կերեւա»:
Կարդացեք նաև
Արփինե ՍԻՄՈՆՅԱՆ
