«Տուրիզմի ոլորտում բարեփոխումներ ասվածը մեկ տարում հնարավոր չէ իրականացնել: Մեր նպատակն է Երեւանը ներկայացնել միջազգային հարթակներում»,-այսօր լրագրողների հետ հանդիպման ժամանակ Երեւան քաղաքի տուրիզմի զարգացման մասին նշեց քաղաքապետարանի աշխատակազմի մշակույթի վարչության տուրիզմի բաժնի պետ Մարիա Բարաղամյանը:
Նրա պնդմամբ, զբոսաշրջության համար գրավիչ ծրագրեր են մշակվում.
«2013թ.-ին շարունակելու ենք զարգացնել կապը միջազգային հարթակների հետ՝ քարտեզներով, նյութերով կօգնենք զբոսաշրջիկներին՝ կողմնորոշվելու մայրաքաղաքում: Երեւանն այսօր, որպես զբոսաշրջային, դեմք չունի: Մրցույթներ են կազմակերպվում, որի միջոցով մենք Երեւանը կներկայացնենք, որպես զբոսաշրջային քաղաք դրսում, մենք աշխատում ենք այդ ուղղությամբ: Երեւանցին էմոցիոնալ է, հետեւաբար ավտոբուսների վրա գրվել է՝ Երեւան զգա քո ջերմությունը»:
Մարիա Բարաղամյանի համոզմամբ, քաղաքային կահավորումը, շատրվանները, ցուցանակները, նստարանների գոյությունը միտված է քաղաքը դարձնել հարմարավետ, եթե քաղաքը հարմար է բնակչի համար, ապա հյուրերին նույնպես հարմար է.
Կարդացեք նաև
«Իտալիա, Ֆրանսիա, Գերմանիա, ԱՊՀ երկրներ, Միացյալ թագավորություններ, Իրան, այս բոլոր երկրներից պարտադիր հոսք լինում է դեպի Երեւան, ինչը շատ ուրախալի փաստ է: Զբոսաշրջիկները այցելում են առաջին հերթին Երեւանի սիրտ՝ հրապարակ, Կասկադ համալիր, պատմության թանգարան եւ այլ տեսարժան վայրեր: Այսօր կան եռաչափ լուսանկարներով ալբոմներ, նաեւ՝ գիշերային Երեւան ալբոմը, որտեղ տեղ են գտել քաղաքում կատարված բոլոր լուսանկարները եւ զբոսաշրջիկներին հնարավորություն է ընձեռվում տեսնել գեղեցիկ վայրերը»:
Անժելա ՇԱՀՈՒՄՅԱՆ
