Էջմիածնի քաղաքապետ Կարեն Գրիգորյանը այսօր նախագահի հետ հանդիպմանը եկել էր իր 4-ամյա որդու՝ Հապետի հետ: Որդուն Կարենն անվանակոչել է ի հիշատակ Ղարաբաղյան պատերազմում զոհված քեռու:
Aravot.am-ը Կարեն Գրիգորյանից փորձեց պարզել, թե ի՞նչ սկզբունքով են մարդկանց հրավիրել մասնակցելու ՀՀ նախագահի թեկնածու Սերժ Սարգսյանի հետ հանդիպմանը: Ի պատասխան՝ Էջմիածնի քաղաքապետը հարց հնչեցրեց. «Ես ժողովո՞ւրդ եմ, թե՞ ոչ: Տարանջատելը ո՞րն է»: Նկատեցինք, որ սովորաբար դահլիճային հանդիպումներին ներկա են լինում տեղական ինտելիգենցիայի ներկայացուցիչները, իսկ այն մարդիկ, ովքեր խնդիրներ ունեն նախագահին ներկայացնելու, չեն կարողանում ներս մտնել: Կարեն Գրիգորյանը պատասխանեց. «Ոնց որոշենք, միեւնույն է՝ նեղացողներ լինելու են: Շենքային պայմաններն այնպիսին են, որ բոլոր ցանկացողներին չենք կարող ընդգրկել»:
Կարեն Գրիգորյանից հետաքրքրվեցինք նաեւ՝ արդյոք նախապես հարցե՞ր են բաժանվել հավաքվածներին, քանի որ սովորաբար, բոլոր դահլիճային հանդիպումներում պատվիրված հարցեր են հնչում, շատ դեպքերում մարդիկ նույնիսկ կմկմալով են դրանք կարդում: Քաղաքապետը հակադարձեց. «Մենք նման բանով չենք զբաղվում: Հարցերը կտան՝ կտեսնեք»:
Կարեն Գրիգորյանի հարցազրույցի այլ մանրամասներ՝ վաղվա տպագիր «Առավոտում»:
Կարդացեք նաև
Սուտ խոսել, քծնել, սողալ, բայց լավ ապրելու ֆենոմենը գալիս է,՝ ժառանգաբար և փոխանցվում,՝
պապուց ապա անցնուն թոռանը: