Իսկ Սերժ Սարգսյանին, ըստ նրա, մնում է ինքնաբացարկը
«ԿԸՀ-ի որոշումից հետո պարոն Սարգսյանին մնում է ինքնաբացարկի ճանապարհը: Իր որոշումն է: Չեմ զարգացնում առայժմ«,- այսօր «Նոյյան տապան» ակումբում հայտարարեց Րաֆֆի Հովհաննիսյանը: ԿԸՀ-ն իր հանձնաժողովներով պետք է ենթարկվի ամենախիստ պատասխանատվության, իր ակնհայտ հակաօրինական, հակաժողովրդական որոշման համար: Ես հարգել եմ պարոն Մուկուչյանին, բայց իրենք լցոնումների, խախտումներով.., չկարողացան»:
Նա անդրադարձավ առաջիկա իր անելիքներին. «Ես անելու եմ ամեն ինչ, որ ժողովուրդը հուսախաբ չլինի, որ հետ չկանգնի, զադնի չտանք: Ոչ թե չարությամբ, այլ հետեւողական, խոհեմ քայլերով: Ոչ մեկը թող չստիպի մեր ուսանողներին, զինվորներին, ուսուցիչներին, որովհետեւ ես իրենց կողքը կանգնելու եմ»:
Նա նշեց, որ 5 օր կա ՍԴ դիմելու համար եւ բողոքարկելու համար. «Շատերը, ինչպես օրինակ Նիկոլ Փաշինյանը գտնում է, որ չարժի: Դուք հիմա, խնդրում եմ, մի փոքր ձեզ ճկուն պահեք ու թույլ տաք այդ հնարավորությունը, մենք եւս դատական իշխանությունը կարող ենք փոխել: Չի բացառվում, Գագիկ Հարությունյանին, Ֆելիքս Թոխյանին, Հրայր Նազարյանին, Մանուկ Թոփուզյանին, Արեւիկ Պետրոսյանին հնարավորություն տանք, որ իրենք սահմանադրական իրավունք իրացնեն եւ թույլ տան, որ ՀՀ քաղաքացիները պաշտպանեն իրենց Սահմանադրական իրավունքը: Չի բացառվում, բայց սա կլինի իրենց վերջին որոշումը»:
Կարդացեք նաև
Հռիփսիմե ՋԵԲԵՋՅԱՆ
