Արդյոք հնարավո՞ր է նման բան:
Լուսանկարում, որ տարածվել է ՖԲ-ում, մի քանի ընտրատեղամասերի արդյունքներ են, որոնցում Սերժ Սարգսյանը հավաքվել է 95-100% ձայներ, իսկ մյուս թեկնածուները համատարած՝ 0 ձայն, հազվադեպ՝ 1-4 ձայն: Թե որքանո՞վ է արդար ընտրությունների ժամանակ հնարավոր նման բան՝ դատեք ինքներդ:
Թիվ 14 ընտրատարածքը Աշտարակում է, թիվ 15-ը՝ Թալինում, թիվ 23-ը՝ Սեւանում, թիվ 37-ը՝ Գորիսում: Իսկ ավելի մանրամասն դիտարկելու դեպքում ստանում ենք.
.
10/34 տեղամաս, գտնվել է ՀՀ ԱՆ «Երևան-Կենտրոն» ՔԿՀ -ում, այստեղ 29 կալանավորներից 27-ը ընտրել է Սերժ Սարգսյանին, մեկը կարողացել է ընտրել Րաֆֆի Հովհաննիսյանին, մյուսը անվավեր է դարձրել իր քվեաթերթիկը:
Կարդացեք նաև
14/46 տեղամաս, սա գտնվել է Արագածոտնի Ավշեն համայնքում, որտեղ 101 ձայներից 96-ը ստացել է Սերժ Սարգսյանը:
14/54 տեղամաս, Արագածոտնի Կանիաշին համայնքում, այստեղ 150 ձայնից 149-ը ստացել է Սերժ Սարգսյանը:
14/56 տեղամասի, որը գտնվում է Արագածոտնի մարզի Ճարճակիս համայնքում, 253 ընտրողներից 252-ը ձայն է տվել Սերժ Սարգսյանին:
14/58 տեղամաս, Արագածոտն, Միջնատուն համայնք, Սերժ Սարգսյանին ձայն է տվել 104-ից 102-ը:
14/59 տեղամաս, Արագածոտնի Միրաք համայնքում Սերժ Սարգսյանին է տրվել 52 քվեից 51-ը:
14/62 տեղամաս, Արագածոտնի Ջամշլու համայնք, 96-ից 95-ը:
14/63 տեղամաս, Արագածոտնի Ռյա Թազա համայնք, 202-ից 201-ը:
14/64 տեղամաս,Արագածոտնի Սադունց համայնք, 146-ից՝ 145:
14/65տեղամաս, Արագածոտնի Սիփան համայնք, 104 -ից 104:
15/46տեղամաս, Արագածոտնի Դիան համայնք, 72-ից 71:
15/51տեղամաս, Արագածոտնի Թլիկ համայնք, 30-ից 29:
15/59 տեղամաս, Արագածոտնի Հակո համայնք, 44-ից 40:
15/70 տեղամաս, Արագածոտնի Սորիկ համայնք, 40-ից 40:
15/75 տեղամաս, Արագածոտնի Օթեւան համայնք,29-ից 28:
23/50 տեղամաս, Գեղարքունիքի Ավազան համայնք, 133-ից 131-ը:
23/68 տեղամաս,Գեղարքունիքի Վերին Շորժա համայնք,52-ից 52-ը:
37/24 տեղամաս, Սյունիքի Խոզնավար համայնք, 255-ից 251:
37/30 տեղամաս, Սյունիքի Ներքին Խնձորեսկ համայնք, 161-ից 161:
37/42 տեղամաս, Սյունիքի Քարաշեն համայնք,337-ից 318:
37/43 տեղամաս, Սյունիքի Քաշունի համայնք, 14-ից 14:
38/43 տեղամաս, Սյունիքի Վանեք համայնք,62-ից 61:
38/68 տեղամաս, Սյունիքի Վահրավար համայնք, 30-ից 28:
Երանի է այն օրհնական սահաթը որ մենք էլ կդառնանք մյուս բոլորի նման և Ֆ.Բ.-ի փոխարեն մեր փաստերը կներկայացնենք համապխատասխան ատյաններ Հայաստանում, կամ էլ նրա սահմաններից դուրս ավելի բարձր համաշխարհային ատյաններ, եթե դա անհրաժեշտ լինի, և ոչ թե դարձնենք այսպիսի բամբասանքների թեմա, այսօրվա դիգիտալային ժամանակներում ցանկացած «Փաստաթուղթ» կարելի է ներկայացնել այս եղանակներով, բայց հետևանքները հենց անդրադառնալու է մեզ, ցանկալի է բարձր զգոնություն….մի քիչ էլ քննադատական մոտեցում ցանկացած փաստերից որոնք առատորեն շրջանառում են սոցիլական կայքերում բայց ոչ այն ատյանները որտեղ անհրաժեշտ են դրանք/
Ռաֆայել
էս ցուցակը տպեք տվեք սարգսյանին, այդ տարածքների ղեկավարները ապագա գյուղապետեր, քաղաքապետեր ու մարզպետեր են,
Սա դեռ լաւ է, ուրախ պիտի ըլլանք, որ Սերժ Սարգսեանը ըսենք օրինակ` 150-էն 151, կամ 40-էն 41 ձայն չէ ստացած… Հայաստանեան “ազատ, արդար ու թափանցիկ” ընտրութիւններու ընթացքին ամէն բան հնարաւոր է…
Ստացվում է, որ արտագաղթի վերաբերյալ անգամ պաշտոնական տվյալնե՞րն են ստում: Հնարավո՞ր է, որ ՛՛նժդեհյան գաղափարախոսությունը՛՛ այնքան է արմատավորված որոշ՝ հատկապես քրդաբնակ վայրերում, որ մարդիկ քվեարկում են անգամ ֆիզիկական բացակայության պայմաններում, ակնհայտորեն հոգու կորովի ուժով:
Իսկ եթե ավելի լուրջ՝ ապա ցանկացած դատական ատյան կարող է այս չընտրությունները անվավեր համարել իր ձեռքի տակ ընդամենը ունենալով հանրապետությունից բացակայողների և այս համայնքների ընտրողների ցուցակները: Ի դեպ՝ այս դեպքում ընտրազեղծարարներն ակամայից հրապարակել են ընտրությանը ՛՛մասնակցածների՛՛ ցուցակը, իսկ մնացածն, ինչպես ասում են՝ տեխնիկայի գործ է:
Իսկ պատկերացնո՞ւմ եք, թե ինչ ողբալի պատկեր կստացվի, եթե դատարանի պահանջով վերծանվեն վերոնշյալ ընտրատեղամասերի նախագահների՝ մարտի 18-ի հեռախոսային խոսակցությունները: