Նա չի ենթարկվել գնդապետի հրամանին
ՀՀ պաշտպանության նախարարության զորամասերից մեկի հրամանատար Ն. Վ.-ին մեղադրանք է առաջադրվել այն բանի համար, որ նա զբաղեցնելով հրամանատարի պաշտոնը, 2013 թվականի հունվարի 14-ին, ժամը 14-ի սահմաններում, առանց հարգելի պատճառների, ինքնակամ, գրեթե 2 օր տեւողությամբ թողել է զորամասը , չի կատարել գնդապետ Ա. Մախսուդյանի հրամանը՝ վերադառնալ զորամաս: Ջերմուկ քաղաքի բնակիչ, 1991թ. Ծնված, նախկինում չդատված Ն. Վ.-ին մեղադրանք է առաջադրված ՀՀ քրեական օրենսգրքի 356 հոդվածի 1-ին մասով(«Հրամանը չկատարելը»): Սույն հոդվածը նախատեսում է կալանք՝ առավելագույնը 3 ամիս ժամկետով, կարգապահական գումարտակում պահելը՝ առավելագույնը 2 տարի ժամկետով կամ ազատազրկում՝ առավելագույնը 2 տարի ժամկետով: Նրա նկատմամբ որպես խափանման միջոց է ընտրվել չհեռանալու մասին ստորագրությունը: Այս գործով դատավարությունն ընթանում է Գեղարքունիքի մարզի առաջին ատյանի դատարանում:
Կարդացեք նաև
Ոսկան ՍԱՐԳՍՅԱՆ
