Քիչ առաջ միջադեպ է գրանցվել Ավան վարչական շրջանում տեղակայված 1/17 ընտրատեղամասում, որտեղ քվեարկելու է նաեւ Հանրապետական կուսակցության ավագանու ցուցակը գլխավորող Տարոն Մարգարյանը: www.7or.am կայքի թղթակից Արեգնազ Մանուկյանի անձնագրից այս տեղամասում քվեարկություն կատարելուց հետո անհետացել է կնիքը: Aravot.am-ի հետ զրույցում լրագրողը պատմեց, որ պարզապես հետաքրքրության համար , նախորդ ընտրությունների փորձից ելնելով, փորձել է ձեռքով մաքրել անձնագրի կնիքը, կնիքը մաքրվել է:
Զարմացած լրագրողը դիմել է ընտրական հանձնաժողովի նախագահ Հակոբ Սահակյանին: Վերջինս նախ փորձել է համոզել, թե արտառոց որեւէ բան չի կատարվել, ապա մեղադրել է լրագրողին միտումնավոր, ինչ-որ նյութերի օգնությամբ կնիքը մաքրելու մեջ:
Ի վերջո, կատարվածի վերաբերյալ լրագրողն ահազանգել է ԿԸՀ: ԿԸՀ-ից ընտրական հանձնաժողովին հանձնարարել են կնիքի հեղուկին սովորական թանաք խառնել: Թանաքը խառնելուց հետո հանձնաժողովի նախագահը լրագրողին առաջարկել է երկրորդ անգամ կնիք դնել անձնագրի մեջ, որը նույնպես խոնավ մատի հետ շփումից հետո անհետացել է:
Ի դեպ, անհետացել էր նաեւ հանձնաժողովում հատուկ թանաքով դրոշմակնքված քվեաթերթիկի նմուշի վրայի կնիքը:
Կարդացեք նաև
Նելլի ԳՐԻԳՈՐՅԱՆ
