Ապրիլի 23-ին Գյումրու Շիրակացի փողոցի 54 բ շենքի մոտ, իր տան դիմաց հնչած կրակոցների մասին նախաքննական մարմնին արդեն ցուցմունք է ներկայացրել հրազենային վնասվածքներ ստացած Հարություն Խաչատրյանը`ԱԺ ԲՀԿ-ական պատգամավոր Մարտուն Գրիգորյանի սպանված հորեղբոր` Սերոբի երեխաների քավորը:
Քավոր Հարութի ցուցմունքը խիստ տարբերվում է Վարդան Ղուկասյանի եղբորորդի Վահե Ղուկասյանի ինքնախոստովանական ցուցմունքից: Մեր աղբյուրների փոխանցմամբ, քավոր Հարութը պատմել է, որ ինքը Շեկոյի (պատգամավորի նույն հորեղբոր թիկնապահն է եղել Ա.Ն.) հետ մեքենայով դստերն էր բերում դպրոցից: Իր տան դարպասը բացել են, որ երեխան ներս մտնի, սակայն դեռ չէր հասցրել տուն մտնել, այդ րոպեին հնչել է առաջին կրակոցը: Այսինքն անչափահաս աղջիկը ևս ականատես է եղել այս կրակոցներին: Վայրկյաններ անց առաջին կրակոցին անմիջապես հաջորդել է երկրորդը: Քավոր Հարութը ահավոր ցավ է զգացել աջ ձեռքի հատվածում, փորձել է երեխային հրել դեպի բակ ու ետևից փակել դուռը:
Նորից կրակոցներ են հնչել ու արդեն վիրավոր քավոր Հարութը օգնություն է խնդրել Շեկոյից: Շեկոն այդ ժամանակ կանգնած է եղել մեքենայի հետևի մասում: Շեկոն պատասխանել է, որ ինքն էլ է վիրավոր, դրանից հետո կրակոցները սաստկացել են, ու քավոր Հարութը Շեկոյին առաջարկել է պատսպարվել մոտակա շենքերից մեկի մուտքի մոտ, որպեսզի գոնե ողջ մնան: Դրանից հետո քավոր Հարութը ուշաթափ է եղել ու այլևս ոչինչ հիշել:
Այստեղ են պատսպարվել Քավոր Հարութն ու Շեկոն
Նշենք, որ Շեկոն` 36-ամյա Արտյոմ Կարապետյանը, որին սպանելու մեջ կասկածվում է Վարդան Ղուկասյանի եղբորորդի Վահե Ղուկասյանը, ըստ նրան ճանաչողների, ապրել է Գյումրու ամենահետին բնակարանում, Մսի կոմբինատի ամենավերջին շենքի 1-ին հարկում:
Կարդացեք նաև
4 անդամից բաղկացած նրա ընտանիքը բնակվել է մեկ սենյականոց բնակարանում, ունի երկու տղաներ 15 և 14 տարեկան: Նրան հուղարկավորել են հայրական տնից , որը գտնվում է դարձյալ Մսի կոմբինատում, նախկին հացի փռի տարածքում:
Հ.Գ. Նշենք, որ այս նյութը պատրաստելուց հետո Գյումրու հիվանդանոցից մեզ տեղեկացրեցին, որ նորից հիվանդանոց են տեղափոխել Հարություն Խաչատրյանին, նրան այսօր դուրս էին գրել հիվանդանոցից` բավարար համարելով առողջական վիճակը: Սակայն, բժիշկների տեղեկացմամբ, քավոր Հարութին տարել են քննչական բաժին հարցաքննության, նրա առողջական վիճակը կտրուկ վատացել է, ու նորից ստիպված են եղել տեղափոխել հիվանդանոց:
Նունե ԱՐԵՎՇԱՏՅԱՆ
Սուրբ Քավոր Հարութն ու հրեշտակ Շեկոն :Մեկ էլ իրանց մասին պատմություններ գրողները,որոնք թաքցնում ենը Սուրբ Քավոր Հարութի որդու,որի աննպատակ ավտոմատային կրակոցները, որոնց հետևանքով է, ըստ գյումրեցիների,որ տուժել է հայրը:Հետաքրքիր է , լրատվությունը գրում էր, որ քավոր Հարութի գրպանում փամփուշտներ են եղել, ինչու ?:Երևի, մոռացել է հա տանը թողնել?
այ քեզ անպատկառություն……հիմա էլ մարդասպան վահիկի ու իրա ազգ ու տակի արարքները քցում եք Հարութի տղու վրա?սկզբից նառկոշ վահիկին ինքնապաշտպանություն էիք վերագրում,իսկ հիմա նրան լրիվ անմեղ եք սարքում?որ Հարութին իրա տղեն է խփել?Հարութը սուրբ չէ,բայց երեսին խաչ հանող մարդասպան սատանաել չէ… ուզում եք կոծկել գործը,անցել եք զրպարտելուն……..մուտիլօվկա անելը խելառի գլխավոր գործն է.