Անդրադառնալով Գյումրիի նախկին քաղաքապետ Վարդան Ղուկասյանի վերջին արկածներին՝ ՀՀԿ փոխնախագահ Գալուստ Սահակյանը հայտարարել է, թե «բնականաբար, մեզ համար դատապարտելի իրողության է, երբ ինչ–որ մեկը մյուսին ծեծում է անտեղի տեղը»։
«ՉԻ» – Փաստորեն, եթե ծեծը «տեղին է», ՀՀԿ-ի համար պրոբլեմ չկա։ Հետո՞ ինչ, որ քրեորեն հետապնդելի արարք է։ Կարեւորը՝, որ ՀՀԿ կենտրոնական գրասենյակը քննարկի եւ որոշի՝ տեղի՞ն է եղել ծեծը, թե ոչ։
Զուտ մարդկայնորեն այս մոտեցումն, իհարկե, հասկանալի է։
Բայց մյուս կողմից էլ՝ եթե մարդիկ որոշեն ծեծել բոլոր նրանց, ովքեր արժանի են ծեծի, կառավարության պահուստային ֆոնդի 80 տոկոսը կծախսվի գիպսի ու բինտի վրա, ԱԺ մեծամասնությունը նիստերին կներկայանա պատգարակներով, կառավարության անդամների դեմքերն էլ ծածկված կլինեն «զելյոնկայի» այնպիսի հաստ շերտով, որ Երեւանի կանաչապատման խնդիրը մասամբ լուծված կհամարվի։
Կարդացեք նաև
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
