Հուլիսի 16-ին Տավուշի մարզպետ Արմեն Ղուլարյանը որոշում է ընդունել Անդրանիկ Շառյանին մարզպետի խորհրդական նշանակելու մասին: Վերջինիս համար սահմանվել է 150 հազար դրամ աշխատավարձ:
Անդրանիկ Շառյանը Բերդի նախկին քաղաքապետն է, նա պարտվեց 2012թ. սեպտեմբերի 23-ին կայացած ընտրություններում: Չնայած դրան, Ա. Շառյանը շարունակում է ղեկավարել ՀՀԿ Բերդի տարածքային կազմակերպությունը:
Ա. Շառյանը բնակվում է Բերդ քաղաքում, Բերդի բնակիչների վկայությամբ՝ նա հազվադեպ է հայտնվում հասարակական վայրերում:
Ոսկան ՍԱՐԳՍՅԱՆ
