Կլարնետահար Սեդրակ Հովհաննիսյանը դիմել էր Վերաքննիչ քաղաքացիական դատարան՝ ընդդեմ կոմպոզիտոր Հասմիկ Մանասերյանի, Աշոտ Հովնանյանի եւ «Առավոտ» օրաթերթի՝ պահանջելով բեկանել Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Ալեքսեյ Սուքոյանի կողմից կայացված հունիսի 28-ի վճիռը:
Ըստ բողոքաբերի, օրաթերթի առաջին էջում իր վերաբերյալ տպագրվել էին վիրավորանք եւ զրպարտություն հանդիսացող արտահայտություններ, որոնք չէին հերքվել, եւ իր պատվին, արժանապատվությանը եւ գործարար համբավին պատճառվել էր վնաս:
Վերաքննիչ քաղաքացիական դատարանից տեղեկացանք, որ բողոքը վերադարձվել է, քանի որ չեն պահպանվել քաղաքացիական դատավարության օրենսգրքի 210 հոդվածի դրույթները: Բողոքը ներկայացվել է ոչ պատշաճ, դատարան է մուտքագրվել վերաքննիչ բողոքի պատճենը, որը ստորագրված չի եղել բողոքը բերած անձի կողմից: Ըստ դատարանի, բողոքը վերադարձնելու մասին որոշման, ստորագրության փոխարեն առկա է եղել դրա չվավերացված լուսապատճենը:
Ավելին, Սեդրակ Հովհաննիսյանը բողոքին չէր կցել նաեւ պատասխանողներին այն ուղարկելու, պետգույքի վճարման փաստը հավաստող ապացույցները:
Կարդացեք նաև
Վերաքննիչ դատարանը տվել է երկու շաբաթ ժամանակ՝ բողոքում թույլ տրված խախտումները վերացնելու , այն կրկին դատարան ներկայացնելու համար:Սույն որոշումը չի բողոքարկվել:
Ռուզան ՄԻՆԱՍՅԱՆ
