Հայաստանն ու Ռուսաստանն աշխատում են փոխօգնության մասին հուշագրի ստորագրման ուղղությամբ․ այսօր լրագրողների հետ ճեպազրույցում հայտարարեց ՀՀ արդարադատության նախարար Սրբուհի Գալյանը։
Հիշեցնենք, Երեւանում այսօր ընթանում էր Անկախ պետությունների համագործակցության (ԱՊՀ) մասնակից պետությունների արդարադատության նախարարների խորհրդի 20-րդ նիստը։
Սրբուհի Գալյանը մանրամասնեց, որ այժմ ընթանում է փաստաթղթի դրույթների համաձայնեցումը․ «Միաժամանակ այս ոլորտում համագործակցության ընթացքում խնդիրներ չեն եղել, քանի որ ստորագրված են ԱՊՀ բոլոր մասնակից երկրների մասնակցությամբ բազմակողմ կոնվենցիաներ»։
Մանրամասները՝ տեսանյութում
Կարդացեք նաև
Նիստի մեկնարկին, իր բացման խոսքում ՌԴ արդարադատության նախարարը հայտարարեց, որ չնայած ԱՊՀ անդամ պետությունները զուգահեռաբար հարաբերություններ են ձեւավորում տարբեր միջազգային կառույցներում, ԱՊՀ-ում երկրների համագործակցությունը շարունակում է մնալ աննախադեպ։ Պատճառն, ըստ նրա, այն է, որ ԱՊՀ-ն այն կառույցն է, որը մասնակից պետությունները ժառանգել են համատեղ խորհրդային անցյալից։ Ընդհանուր առմամբ դրական որակելով պատկան նախարարությունների համագործակցությունը կառույցում, նա կարծում է, որ համագործակցության նոր մակարդակի ճարտարապետության նախաձեռնության հիմքերն այս հավաքով պետք է դնել՝ ամրապնդելով քաղաքացիների աջակցության մեխանիզմները։
Նելլի ԳՐԻԳՈՐՅԱՆ
