Թուրքերը պատրաստվում են խեղդել 1915թ. Օսմանյան կայսրության ժամանակ հայերի դեմ իրենց իրականացրած Հոլոքոստի 100-րդ տարելիցը՝ նշելով նույն տարում Գալիպոլիի ճակատամարտում իրենց տարած հաղթանակը: Բրիտանական «Ինդեփենդենթ» թերթում գրում է լրագրող Ռոբերտ Ֆիսկը:
Սակայն ամեն ամիս արևմտյան վկայություններում ավելի շատ ապացույցներ են հայտնվում այն բանի մասին, ինչը Թուրքիան շարունակում է պաշտոնապես հերքել, որ հայերի ցեղասպանությունը պատմական փաստ է:
Այժմ հայտնվել է 1914-1918թթ. պատերազմի բրիտանացի ռազմական բժիշկ Ալեք Գլենի հիշողությունները, որը նա գրել էր իր որդուն, սակայն իր ընտանիքը հրապարակել է այն, և որն արձանագրում է հայերի նկատմամբ սպանդը:
Նամակը վերնագրվել է «Կրակագծում. պատերազմի և խաղաղության բժիշկ»: Հյուսիսարևմտյան Իրանից դեպի Բաքու գնալիս բժիշկ Գլենը գրում է, թե ինչպես էին բրիտանա-հնդկական զորքերն անցնում մի քանի հազար փախստական հայերի մոտով:
Կարդացեք նաև
«Ապշեցուցիչ և ողբերգական տեսարան էր … ժամանակ առ ժամանակ մենք անցնում էինք մեռնող մարդկանց ճամփեզրերով, կամ գրեթե մահացած և շների ու շնագայլերի բաժին դարձած … մենք բարձրացրինք որոշ երիտասարդների, որոնք կարող էին ուշքի գալ ջորիների վրա, ու հասցրինք մինչև հաջորդ գյուղը»:
«Սալսբըրի Քրեգը (բրիտանացի բժիշկ, նրա ընկերը) հետո ինձ պատմեց, որ հանդիպել է մի ծեր փախստականի, նախքան նրա մեռնելը, որն իրեն մետաղադրամներով լի կաշվե գոտի էր տվել ու խնդրել, որ դրանով օգնի փախստականներին»:
Պատրաստեց Հովհաննես ԻՇԽԱՆՅԱՆԸ
