Նոյեմբերի 2-ին Նոյեմբերյան քաղաքում կայացավ ընտանեկան բժշկի անկախ պրակտիկայի « Արեւհատ եւ Անի » ՍՊԸ կենտրոնի բացումը: Հանդիսավոր միջոցառմանը մասնակցում էին Տավուշի մարզպետ Արմեն Ղուլարյանը, Նոյեմբերյանի քաղաքապետ Վանուշ Ամիրաղյանը, Տավուշի մարզպետարանի առողջապահության եւ սոցապ վարչության պետ Կարինե Դովլաթբեկյանը եւ այլք: Առողջապահական հիմնարկը ստեղծվել է ԱՄՆ միջազգային զարգացման գործակալության եւ «HS-Star» կազմակերպության աջակցությամբ:
Ընտանեկան բժիշկ Արեւհատ Յարալյանի ղեկավարած առողջապահական կենտրոնում աշխատում է 7 բուժաշխատող: Այստեղ տեղադրված կարդիոէխոգրաֆիայի եւ սոնոգրաֆիայի սարքավորումը միակն է Նոյեմբերյանի տարածաշրջանում: Տավուշի մարզպետարանի առողջապահության եւ սոցապ վարչության պետ Կարինե Դովլաթբեկյանը հայտարարեց, որ այն Հայաստանում ստեղծված թվով 4-րդ ընտանեկան բժշկի անկախ պրակտիկայի կենտրոնն է, հավելելով. «Բոլոր նոր բոլոր բաները դժվար ճանապարհ են անցնում, ոչինչ, բժշկուհի Արեւհատը հաղթահարեց, մենք օգնել ենք»:
Կարդացեք նաև
Ոսկան ՍԱՐԳՍՅԱՆ
