Նոյեմբերի 11-ին Երեւանի Բրյուսովի անվան պետական լեզվաբանական համալսարանում (ԵՊԼՀ) տեղի ունեցավ սեմինար «Հայաստանը մասսայական հաղորդակցության համակարգում» թեմայով: Սեմինարի ընթացքում ելույթ ունեցան ԵՊԼՀ «Միջազգային լրագրություն» գիտաուսումնական կենտրոնի գիտական ղեկավար Ավետ Դեմուրյանը, Մեդիանախաձեռնությունների կենտրոնի Media.am կայքի պրոդյուսեր Գեղամ Վարդանյանը, ԵՊԼՀ դասախոս Ջոն Բալյանը:
ՍԵմինարի ընթացքում իրենց ողջույնի խոսքը ասեցին ԵՊԼՀ ռեկտոր Գայանե Գասպարյանը եւ Կրթության եւ գիտության նախարար Արմեն Աշոտյանը:
Կարդացեք նաև
Նաեւ քննարկվեցին Հայաստանի դերը մասսայական հաղորդակցության մեջ եւ գլոբալիզացիայի արդի միտումները, ինտերնետի դերը, Ամերիկայի Միացյալ Նահանգների փորձը եւ մի շարք այլ թեմաներ:
Նախարար Աշոտյանը կիսվեց իր փորձով ուսանողներին հետ: Խորհուրդ տվեց լինել ստեղծարար, օպերատիվ, լակոնիկ, ունենալ ճկուն մտածելակերպ, կարողանալ օգտվել ժամանակակից տեխնիկայից.
«Քաղաքական գործիչը իր գործունեության ընթացքում պետք է լինի շատ օպերատիվ՝ պատրաստ լինի պատասխանելու տեղում եւ հիմա: Նա շատ ժամանակ չունի պատրաստվելու, ավելի խորը ուսումնասիրելու խնդրի առարկան եւ, պետք է հաշվի առնել, որ ժամանակ ձգելու հնարքները այլեւս շատ դժվար են աշխատում: Օրինակ՝ եթե ինձ զանգում են մի տհաճ հարցով, ես ասում եմ՝ զանգե՛ք իմ հասարակայնության հետ կապերի վարչություն, որ մի կես ժամ ժամանակ շահեմ, թե հետո ի՞նչ եմ պատասխանելու: Գնալով այդ հնարքները ավելի քիչ են գործածվում, քանի որ քեզ էլ չեն զանգի, կզանգեն մեկ այլ մարդու, ով այդ պահին իրենց չի «ցրի»»:
Ավետ Դեմուրյանը Aravot.am-ի հետ զրույցում հույս հայտնեց, որ մասսայական հաղորդակցությունը կարող է դառնալ առանձին առարկա, եվ այդ սեմինարը առիթ էր ծանոթացնելու ուսանողներին եւ դասախոսներին այդ հասկացության հետ: Նա նաեւ իր խոսքում նշեց, որ Հայաստանը կազմում է համաշխարհային մեդիայի մի մասը.
«Աշխարհը հետաքրքրվում է մեր պրոցեսներով, բայց ամենը կախված է նրանից, թե որքան են դրանք ազդում համաշխարհային պրոցեսների վրա, կարո՞ղ են դառնալ դրա մի մասը: Արդեն մենք այդ պրոցեսի մեջ ենք, այդ պատճառով պետք է իմանանք համաշխարհային մեդիայում մեր տեղը ո՞րն է»:
Ամի ՉԻՉԱԿՅԱՆ
