Նախագահ Սերժ Սարգսյանը ցավակցական հեռագիր է հղել Կիպրոսի Հանրապետության Նախագահ Նիկոս Անաստասիադիսին՝ Կիպրոսի Հանրապետության նախկին Նախագահ Գլավքոս Քլերիդեսի մահվան կապակցությամբ:
Սերժ Սարգսյանը բարձր է գնահատել մեծ կիպրացու և հայրենանվեր գործչի ավանդն ու անձնվեր առաքելությունը Կիպրոսի պետականության ամրապնդման և երկրի սոցիալ-տնտեսական կյանքի կայունացման ու բարգավաճման գործում, ինչպես նաև նրա անձնական ներդրումը հայ-կիպրական դարավոր բարեկամության զարգացման ու ընդլայնման գործում, նրա բարեհաճ վերաբերմունքը Կիպրոսի հայ համայնքի նկատմամբ: «Քլերիդեսների ընտանիքի և Կիպրոսի եղբայրական ժողովրդի հետ են մեր աղոթքներն ու խոհերը»,-ասված է ՀՀ Նախագահի ցավակցական հեռագրում:
ՀՀ նախագահի աշխատակազմ
