Արցախյան պատերազմի առաջին զոհի` Էդիկ Տոռոզյանի մայրը`Փառանձեմ մայրիկը այսօր երկու ժամ ճանապարհ էր կտրել, որ մարզից Երեւան գար ու միանար «Մարիոթ» հյուրանոցի դիմաց Թուրքիայի արտաքին գործերի նախարար Ահմեդ Դավութօղլուի դեմ ցույցին:
Նա կրկին լաց էր լինում եւ խնդրում`«Երկիրը փրկեք: Մինուճարիս մատաղ եմ արել Արցախին, էսօր արցախցին եկել ու հայաթափում է Հայաստանը: Ոտքի կանգնեք, երկիրը փրկեք: Իմ բալայի արյունը ջուրը չլցվի»:
Հետո ասաց, որ եթե Ահմեդ Դավութօղլուին տեսներ, կասեր. «Ինձ թվում է` հայի սերունդ ես, թուրք ես դարձել: Դավութօղլի` Դավիթի տղա: Բայց ամոթ է, որ մեր ցեղասպանությունը չեք ճանաչում, նորից 15 թիվ եք սարքում»:
Արփինե ՍԻՄՈՆՅԱՆ