ՄԱԿ-ի մարդու իրավունքների գրասենյակի համաձայն, Սիրիայում զինված ընդդիմության խմբերը, մասնավորապես՝ «ալ-Քաիդա»-ի հետ կապեր ունեցող ծայրահեղականների խմբավորումները, երկրի հյուսիսում իրականացնում են գնալով ավելի մեծ թվով սպանություններ, որոնք պատերազմի հանցագործություններ են համարվում:
ՄԱԿ-ի Մարդու իրավունքների հարցերով գերագույն հանձնակատար Նավի Փիլեյը հինգշաբթի օրն ասել է, որ վերջին երկու շաբաթվա ընթացքում ստացված հաղորդագրությունները փաստացի վկայում են Հալեպ, Իդլիբ և Ռագա քաղաքներում բռնություններին չմասնակցող խաղաղ բնակիչների և նախկին մարտիկների զանգվածային սպանդի բազմաթիվ դեպքերի մասին:
Հանձնակատար Փիլեյի համաձայն, զանգվածային սպանդ հիմնականում իրականացրել են «Սիրիայի զինված ընդդիմության ծայրահեղական խմբավորումները», մասնավորապես՝ «ալ-Քաիդա»-ի հետ կապեր ունեցող «Իրաքի և Լևանտի իսլամական պետություն» խմբավորման զինյալները:
Կարդացեք նաև
Մանրամասները կարդացեք սկզբնաղբյուր կայքում
